Türkmenistanyň raýatlygyndan çykmak baradaky resminamalary tabşyrmak üçin arza beriji Türkmenistanyň Gazagystan Respublikasyndaky Konsullygyna (Aktau ş.) şahsy ýüz tutmaly hem-de aşakdaky sanawda görkezilýän resminamalary 4 nusgada getirmeli

1. Türkmenistanyň raýatlygyndan çykarylmagy baradaky meselesine garalmagy üçin Türkmenistanyň Gazagystan Respublikasyndaky Konsullygynyň (Aktau ş.) adyna arza (Konsullykda ýazylýar);

2. Türkmenistanyň raýatlygyndan çykarylmagy baradaky Towakganamasynyň kanagatlandyrylmagy üçin Türkmenistanyň Prezidentiniň adyna arza (Konsullykda ýazylýar);

3. Türkmenistanyň raýatlygyndan çykarylmagy üçin bellenen nusgadaky Towakganama;

4. Terjimehal;

5. Pasportyň nusgalary;

6. Dogluş hakyndaky şahadatnamanyň nusgasy (eger dogluş hakyndaky şahadatnama ýa-da nama ýazgysy ýok bolsa, onda nama ýazgysynyň ýokdugy hakynda Güwänama);

7. Nika hakynda ýa-da nikasynyň bozulandygy hakyndaky şahadatnamanyň nusgasy (eger nika hakynda ýa-da nikasynyň bozulandygy hakyndaky şahadatnama ýok bolsa, onda nikasynyň ýa-da nikasynyň bozulandygy hakynda Güwänama);

8. Daşary ýurt döwletiniň ygtyýarly edarasy tarapyndan berilen daşary ýurt raýatlygyna degişlidigini ýa-da Türkmenistanyň raýatlygyndan çykan ýagdaýynda beýleki bir ýurduň raýatlygyna kabul edilýändigini resmi taýdan tassyklaýan resminama;

9. Türkmenistanyň Merkezi bankyndan bergisiniň ýokdugy hakynda kepilnama;

10. Türkmenistanyň Salgyt edaralaryndan bergisiniň ýokdugy hakynda kepilnama;

11. Türkmenistandaky ene-atalarynyň hem-de Türkmenistanda çagalary galan ýagdaýynda olaryň kanuny howandarlarynyň çagalar üçin aliment talaplarynyň ýokdugyny notarial edarasy tarapyndan tassyklanan razylyk haty;

12. Konsullyk ýygymlarynyň tölenendigi ýa-da şeýle töleglerden boşadylandygyny tassyklaýan resminama;

13. 3x4 ölçegde 4 sany surat;

Kämillik ýaşyna ýetmedik çagalar üçin Türkmenistanyň raýatlygyndan çykmak barada ýüz tutulanda, kanunçylyk talaplaryna görä aşakdaky resminamalar soralyp bilner:

1. Çaganyň dogluş hakyndaky şahadatnamasynyň we pasportynyň nusgasy (eger bar bolsa);

2. Perzentlige alynandygy hakynda şahadatnamanyň nusgasy;

3. Hossarlyk ýa-da howandarlyk bellenilendigi baradaky resminamanyň nusgasy;

4. Çagany ata-enelik hukuklaryndan mahrum edýän resminamanyň nusgasy;

5. Eger ata-enesiniň biri Türkmenistanyň raýatlygyndan çykan bolsa, beýlekisi Türkmenistanyň raýatlygynda galýan bolsa, onda çaganyň ata-enesiniň bilelikdäki notarial edarasy tarapyndan tassyklanan Razylyk haty;

6. 14 ýaşdan 18 ýaşa çenli kämillik ýaşyna ýetmedikleriň Türkmenistanyň raýatlygyndan çykmagy üçin meýletin we notarial edarasy tarapyndan tassyklanan Razylyk haty;

7. Çaga daşary ýurt döwletiniň ygtyýarly edarasy tarapyndan berilen daşary ýurt raýatlygyna degişlidigini ýa-da Türkmenistanyň raýatlygyndan çykan ýagdaýynda beýleki bir ýurduň raýatlygyna kabul edilýändigini resmi taýdan tassyklaýan resminama;

8. Eger bir adam Türkmenistanda ýaşaýan çagalaryna bolan ata-enelik hukuklaryndan mahrum edilen bolsa, onda çaganyň Türkmenistanyň raýatlygyny saklamak üçin hossary ýa-da howandary tarapyndan notarial edarasy tarapyndan tassyklanan arza talap edilýär;

9. 3x4 ölçegde 4 sany surat.