Gazagystan Respublikasynda hemişelik ýaşaýan Türkmenistanyň raýatlary, Türkmenistanyň raýatlyk pasportyny almak üçin (pasportyň zaýalanmagy, pasportynyň ýitirilmegi ýa-da kämillik ýaşyna ýetmegi sebäpli), Türkmenistanyň Gazagystan Respublikasyndaky Konsullygyna (Aktau ş.) ýüz tutanda aşakdaky resminamalary tabşyrylmalydyr:

1. Arza;
2. Türkmenistanyň Içeri işler ministrligine arza;
3. F-1 görnüşli arza (Konsullykda ýazylýar);
4. Sowalnama (internet sahypamyzdan alyp peçat edilende öň we arka tarapyny doldurmak üçin ikitaraplaýyn peçat edilmeli);
5. Terjimehal (eger bir tarapyna ýerleşmedik ýagdaýynda aýratyn sahypa dälde arka tarapyny doldurmaly);
6. Çalyşylmaly pasport (asyl nusgasy we ähli sahypalarynyň ikitaraplaýyn nusgasy), ýitirilen ýagdaýynda Polisiýa edarasynda degişli kepilnama (asyl nusgasy we nusgasy);
7. Dogluş hakynda şahadatnama (asyl nusgasy we iki nusgasy);
8. Nika hakynda ýa-da Nikasynyň bozulandygy hakynda şahadatnama (asyl nusgasy we iki nusgasy);
9. Kellesi açyk, 70-80% kontrastly arka fony ak 3,5x4,5 sm öçegde bolan 6 sany reňkli surat; 
10. Suratlar elektron görnüşinde CD ýa-da DVD diskde ýazylan bolmaly.

Resminamalar arza berijiniň diňe özi tarapyndan tabşyrylmaly. Ähli nusgalar A4 kagyzynda bolmalydyr, arza berilen günden başlap 4 aýyň dowamynda seredilýär.