Dogluş hakyndaky şahadatnamanyň dublikatyny (nika hakynda şahadatnama, nikasynyň bozulandygy hakynda şahadatnama, ölüm hakynda şahadatnama) almak üçin arza berijiniň hut özi ýa-da notarial edarasy tarapyndan tassyklanan ynanç haty bilen Türkmenistanyň Gazagystan Respublikasyndaky Konsullygyna (Aktau ş.) barmaly we aşakdaky resminamalary tabşyrmaly:

• Arza;
• Terjimehal;
• Sowalnama;
• Talap edilýän resminamanyň anketasy ;
• 3x4 sm ölçegde 1 sany surat;
• Pasport (pasportyň 2 sany nusgasy);
• Nika hakynda ýa-da nikasynyň bozulandygy hakynda şahadatnamasy (2 sany nusgasy);
• Ýitirilen resminamanyň 2 sany nusgasy (eger bar bolsa).

Bellik: Konsullygyň internet web sahypasy arkaly nobata ýazylmaly (nobata ýazylmak bölümi arkaly gerek bolan kepilnamalary ýa-da beýleki raýatlyk soraglary saýlap bilersiňiz).

Resminamalar taýýar bolanda, size Türkmenistanyň Gazagystan Respublikasyndaky Konsullygynyň +7 (747) 541-39-59 mobil telefon belgisinden (WhatsApp arkaly)  SMS bildiriş gelýär.